ലോക്ക് ഡൗൺ കാലത്തെ ആരോഗ്യ ചിന്തകൾ 08
ചക്ക പക്കാവട
ഈ വേനല്‍ക്കാലത്ത് വളരെ സുലഭമായി ലഭിക്കുന്നതും അത്യധികം ആരോഗ്യദായകവും താരതമ്യേന വിഷരഹിതവുമായ ഫലവർഗ്ഗമാണ് ചക്ക. വൈറ്റമിൻ A ധാരാളമുള്ളതിനാൽ കണ്ണിന്‍റെ ആരോഗ്യത്തിനും ചർമ്മസംരക്ഷണത്തിനും ഉത്തമമാണ്. ആന്റി ഓക്സിഡന്റ്സ് , വൈറ്റമിൻ C, സിങ്ക് എന്നിവ അടങ്ങിയിട്ടുള്ളതിനാൽ പ്രതിരോധശേഷി വർധിപ്പിക്കുന്നു. ഹോർമോൺ പ്രവർത്തനങ്ങൾ നിയന്ത്രിക്കാൻ കഴിവുള്ളതിനാലും കോപ്പർ ധാരാളമായി അടങ്ങിയിട്ടുള്ളതിനാലും തൈറോയ്ഡ് പ്രശ്നങ്ങളുള്ളവർക്കു ചക്ക നല്ലതാണ്. കാൽസ്യം, പൊട്ടാസിയം എന്നിവയുടെ കലവറയാണ് ചക്ക. അതിനാൽ എല്ലുകളെയും മസിലുകളെയും ശക്തിപ്പെടുത്തുന്നു, പ്രത്യേകിച്ച് കുട്ടികൾക്ക് . ഇരുമ്പുള്ളതിനാൽ വിളർച്ചയെ തടുക്കുന്നു.
ഇന്റർനാഷണൽ ആയുഷ് കോൺക്ലേവ് -2019 ൽ അവതരിപ്പിച്ച ചക്ക കൊണ്ടുള്ള രുചികരവും ആരോഗ്യകരവുമായ ഒരു വിഭവം പരിചയപ്പെടുത്തി തരാം
ചക്ക പക്കാവട
ചേരുവകൾ
- പച്ചചക്കച്ചുള
- അരിപൊടി
- കരിംജീരകം
- എള്ള്
- മഞ്ഞൾപൊടി
- മുളകുപൊടി
- ഉപ്പ്‌
- വെളിച്ചെണ്ണ
- കറിവേപ്പില
പാചകക്രമം
- ചക്കച്ചുള മിക്സിയിൽ വെള്ളം ചേർക്കാതെ അരച്ചെടുക്കുക.
- മാവിന്റെ പരുവത്തിനനുസരിച്ചു അരിപ്പൊടി ചേർത്ത് കുഴക്കുക.
- അതിലേക്കു ആവശ്യത്തിന് ഉപ്പ്‌, മഞ്ഞൾപൊടി, മുളകുപൊടി, എള്ള്, കരിംജീരകം എന്നിവ ചേർത്ത് നല്ലവണ്ണം കുഴക്കുക.
- ചീനിച്ചട്ടിയിൽ എണ്ണ ഒഴിച്ച് ചൂടായിവരുമ്പോൾ മാവ് പക്കാവട അച്ചിൽ പ്രസ്സ് ചെയ്തു വെളിച്ചെണ്ണയിലേക്കു നേരിട്ട് ഇടുക.
- പാകമായി വരുമ്പോൾ കറിവേപ്പിലയിട്ട് മൂപ്പിച്ചു കോരിയെടുക്കുക.
- ചക്ക പക്കാവട തയ്യാര്‍
