ലോക്ക് ഡൗൺ കാലത്തെ ആരോഗ്യ ചിന്തകൾ 12
ചക്കക്കുരു ഷെയ്ക്ക്
ചക്കയുടെ ഗുണങ്ങൾ എത്ര പറഞ്ഞാലും തീരില്ല! ആരോഗ്യദായകങ്ങളായ ഒട്ടനവധി പോഷകങ്ങളുടെ കലവറയാണ് ചക്ക. ചക്കയോളമോ അതിനേക്കാൾ ഉപരിയോ ഔഷധഗുണങ്ങൾ ഉള്ളതാണ് ചക്കക്കുരു . ചക്കകുരുവില് പ്രോട്ടീൻ, ഫൈബർ എന്നിവ ധാരാളമായി അടങ്ങിയിട്ടുണ്ട്. ഇതില് അടങ്ങിയിരിക്കുന്ന തൈമിൻ, റൈബോഫ്ലാവിൻ എന്നിവ കണ്ണ് , ത്വക്ക്, തലമുടി എന്നിവയുടെ ആരോഗ്യസംരക്ഷണത്തിന് ഉത്തമമാണ്. ഇതിൽ അടങ്ങിയിരിക്കുന്ന നിയാസിൻ നാഡികളെ ഉത്തേജിപ്പിക്കുന്നു. ചക്കകുരുവിലെ ആന്റി ഓക്സിഡന്റ്സ് രോഗങ്ങളെ ചെറുക്കാൻ സഹായിക്കുന്നു.
ചക്കക്കുരു കൊണ്ട് ഉണ്ടാക്കാവുന്ന വളരെ രുചികരമായ ഒരു പാനീയം പരിചയപ്പെടുത്താം
ചക്കക്കുരു ഷെയ്ക്ക്
ചേരുവകള്
- ചക്കക്കുരു- 10-15 എണ്ണം
- പാൽ- 1/2 ലിറ്റർ
- പഞ്ചസാര-ആവശ്യത്തിന്
- ഏലക്ക- ആവശ്യത്തിന്
പാചകക്രമം
- ചക്കക്കുരുവിന്റെ പുറത്തെ വെള്ളത്തൊലി കളഞ്ഞ ശേഷം നന്നായി വേവിക്കുക.
- ചൂടാറിയ ശേഷം മിക്സിയിൽ വെള്ളം ചേർക്കാതെ അരച്ചെടുക്കുക.
- അതിലേക്കു തണുപ്പിച്ച പാലും പഞ്ചസാരയും ഏലക്കായും ചേർത്ത് അടിക്കുക.
- വേണമെങ്കിൽ ചോക്കലേറ്റ് പൊടിയോ ബൂസ്റ്റോ നട്സോ ചേർത്ത് അലങ്കരിക്കാം.